ДУШАНБЕ, 24 ноя — Sputnik. Дабири кулли ҷунбиши "Ҷиҳоди исломӣ"-и Фаластин Зиёд ал-Наҳҳол гуфт, ки ин созмон қасд дорад Исроилро маҷбур кунад, ки ҳама гаравгонҳои исроилӣ ба фаластиниҳои дар зиндонҳои Исроил буда иваз кунанд.
Ба гуфтаи ӯ, гурӯҳи фаластинӣ то замони раҳоии тамоми фаластиниҳое, ки дар зиндон ҳастанд, низомиёни исроилиеро, ки гаравгон гирифтаанд, раҳо нахоҳад кард.
"Баъдтар мо душманро маҷбур хоҳем кард, ки амалиёти бузурги табодулиро анҷом диҳад, ки он тибқи формулаи "ҳама барои ҳама" озод кардани ҳамаи маҳбусони моро кафолат медиҳад", - гуфт котиби генералии ҳаракат.
Ба гуфтаи вай, муқовимат (гурӯҳҳои фаластинӣ) Исроилро маҷбур карданд, ки "ба сабаби талафоти калон" дар сафҳои артиши худ ба созиши сулҳ розӣ шавад.
Субҳи рӯзи ҷумъа соати 07:00 ба вақти маҳаллӣ (соати 08:00 ба вақти Маскав), оташбаси чаҳоррӯза миёни артиши Исроил ва ҷунбиши фаластинии Ҳамос, ҳоким дар навори Ғазза оғоз шуд.
Рӯзи чаҳоршанбе маълум шуд, ки Исроил ва Ҳамос бо миёнҷигарии Қатар аввалин тавофуқи васеъмиқёсро пас аз авҷ гирифтани низоъ сар аз 7 октябр ба даст оварданд: тарафҳо ба мувофиқа расиданд, ки амалиёти ҷангиро барои чаҳор рӯз қатъ кунанд, то даҳҳо гаравгон ва боздоштшудагонро табодул кунанд.
Дар маҷмӯъ, ба нақша гирифта шудааст, ки 50 гаравгони исроилӣ ба ивази 150 маҳбуси фаластинӣ иваз карда шаванд, ки аксари озодшудагон занону кӯдакон мебошанд.
Ҳамарӯза дар чаҳорчӯби оташбас 200 мошини боркаш бо кумак ва чаҳор мошини маводи сӯхт ва гази моеъ вориди навори Ғазза мешаванд.
Илова бар ин, Ҳамос ишора кард, ки имкон дорад бо Исроил дар бораи қатъи пурраи парвозҳои авиатсионии он дар қисмати ҷанубии кишвар ба муддати чаҳор рӯз ва дар қисмати шимолӣ - қатъи парвозҳо барои шаш соат, аз соати 10:00 ба мувофиқа расиданд.
Ҳамзамон, Ҳамос таҳдид кард, ки нерӯҳои он бо вуҷуди созиш дар бораи оташбаси муваққатӣ бо Исроил дар омодагии комили ҷангӣ барои ҳифзи мардуми Фаластин ва муқовимат ба ишғол боқӣ хоҳанд монд.
Йоав Галант, вазири дифои Исроил гуфт, оташбас дар навори Ғазза як “танаффуси кӯтоҳ” аст, ки пас аз он ҷангҳо “дар ҳолати пуршиддат” ҳадди ақал ду моҳи дигар идома хоҳанд кард.