Ҳамлаҳои Исроил ба навори Ғазза

1 / 10

Сутуни дуди сиёҳ пас аз ҳамлаи Исроил ба Ғазза. Тибқи оморҳо аз он замон то кунун бар асари бомбборони Исроил ба минтақа беш аз 10,5 ҳазор нафар кушта шудаанд.

2 / 10

Ин фаластиние, ки бар асари бомбандозии Исроил ба навори Ғазза маҷрӯҳ шуд, ба бемористони "Хон Юнис" интиқол медиҳанд.

3 / 10

Сокинони осоишта ва наҷотдиҳандагон пас аз бомбандозии исроилӣ ба Хон Юнис дар ҷануби Навори Ғазза рӯзи 12 наҷотёфтагонро дар миёни харобаҳои бинои харобшуда ҷустуҷӯ мекунанд.

4 / 10

Ҷуфте аз айвони хона бо ошуфтаҳолӣ ба бинои вайронае наззора мекунанд, ки одамон хисороти ҳамлаи Исроил дар Хон Юнис дар ҷануби навори Ғаззаро, ки 12 ноябр сурат гирифт тафтиш мекунанд.

5 / 10

Фаластиниён наҷотёфтагони ҳамлаи ҳавоии Исроил дар Хон Юнисро ҷустуҷӯ мекунанд.

6 / 10

Ба гузориши расонаҳои хабарӣ, бо истинод ба мақомоти маҳаллӣ, бар асари ин ҳамла дастикам 13 фаластинӣ кушта ва даҳҳо нафар маҷрӯҳ шудаанд. Артиши Исроил дар бораи ҳамлаҳои ҳавоӣ изҳори назар накардааст.

7 / 10

Гулӯлаҳо ҳангоми партоби мушаки нерӯҳои Исроил ба ҳадаф дар наздикии марзи ҷанубии Исроил дар шимоли навори Ғазза ба замин меафтанд.

8 / 10

Мард миёни харобаҳои бинои харобшуда пас аз ҳамлаҳо ба Рафаҳ дар ҷануби навори Ғазза ночор монда.

9 / 10

Бино ба гузоришҳо, кормандони байнулмилалии СММ дар Рафаҳ 90 дақиқа пеш аз ҳамлаи Исроил биноро тарк кардаанд ва ҳеҷ кас осеб надидааст.

10 / 10

Писар зору ҳайрон аз ваҳшати зарбаҳои исроилӣ даст ба сар медорад.

Ёдовар мешавем, ки навори Ғазза аз авоили моҳи октябр ба таври муназзам мавриди ҳадафи тирандозӣ қарор гирифта, бар асари он одамон кушта ва зербиноҳо тахриб шудаанд.

Ҳамааш аз он сар зад, ки Ҳамос барои озодии заминҳои фаластинӣ, ки зери истилои Исроил қарор дорад, ҳамла кард, аз ин рӯ мақомоти Телавив дар баробари бомбаборон Ғаззаро дар муҳосираи комил қарор дода аз барқу об ва воридоти ғизо маҳрум карданд.

Исроилиён ва фаластиниҳо дар тӯли солҳо дар бораи масоили марзӣ ихтилоф доранд. Аз ин ру, дар ин минтақа тез-тез задухӯрдҳои мусаллаҳона ба амал меомаданд.

Раҳмон ҳамла ба иншооти ғайринизомӣ дар Ғаззаро маҳкум кард

Дар соли 1947 бо иштироки фаъолонаи Иттифоқи Шӯравӣ дар бораи барпо намудани ду давлат — Исроил ва Фаластин қарор кабул карда шуд, вале факат аввалинаш ташкил карда шуду дуввум аз он бенасиб монд.

Дар баробари ин як қисми ҳудудҳои Фаластин хануз дар зери истилои Исроил мебошад.

Ҳамин тариқ, рӯзи 7 октябр Исроил дар чаҳорчӯби амалиёти "Тӯфони Ал-Ақсо", ки аз ҷониби ҷиноҳи низомии ҷунбиши Ҳамос фаластинӣ эълон шуда буд, аз навори Ғазза мавриди ҳамлаи мушакии бесобиқа қарор гирифт.

Илова бар ин, баъди ҳамлаҳои мушакӣ ҷангиёни ин созмон ба манотиқи марзии ҷануби Исроил ворид шуданд. Дар посух, нерӯҳои дифоъии Исроил амалиёти "Шамшерҳои оҳанин" алайҳи Ҳамос дар навори Ғаззаро оғоз карданд.

Ҳамлаҳои Исроил ба ҷануб ва шимоли навори Ғазза - аксҳои даҳшатбор