ДУШАНБЕ, 1 ноя — Sputnik. Дмитрий Киселев, раиси гурӯҳи расонаҳои "Россия сегодня" гуфт, журналистикаи Русия дар ҷаҳон аз ҳама озодтар аст.
Ӯ ин ҳарфҳоро дар форуми ВАО-и кишварҳои ИДМ, ки дар маркази матбуоти байналмилалии оҷонсӣ баргузор гардид. иброз дошт.
"Журналистикаи Русия озод аст, эҳтимолан доираи озодии бузургтарин дар ҷаҳонро дорад, як маҳдудият вуҷуд дорад, дар бораи артиши Русия сохтакорӣ лозим нест, ин дар замони мо комилан фаҳмо аст", — гуфт у.
Ба гуфтаи директори генералии гурӯҳи расонаҳои хабарӣ, рӯзноманигорон дар Русия худро боэътимод ҳис мекунанд ва маҳз ин калиди озодӣ аст.
"Мо дарк мекунем, ки барои чӣ мубориза мебарем, барои озодӣ. Озодии мо озодии шумо низ аст. То он даме, ки Русия вуҷуд дорад, Русия озодиро бо мавҷудияти худ кафолат медиҳад", - қайд кард Киселев.
Анҷуманро гурӯҳи расонаҳои "Росси сегодня" бо дастгирии Вазорати рушди рақамӣ, коммуникатсия ва коммуникатсияи оммавии Русия ташкил кардааст.
Бояд гуфт, соли гузашта дар нахустин Форуми ВАО-и кишварҳои ИДМ 300 рӯзноманигор, сиёсатмадорон ва коршиносон аз Русия, кишварҳои хориҷи наздик ва дур ширкат доштанд.