ДУШАНБЕ, 14 октя— Sputnik. Тими бокси Тоҷикистон метавонист дар Бозиҳои осиёӣ медалҳои бештар ба даст орад, агар доварон ноадолатӣ намекарданд.
Дар ин бора мураббӣ Хуршед Ҷӯраев ба хабарнигори Sputnik Тоҷикистон иброз дошт.
Ба гуфтаи ӯ, бисёре аз доварон ба боксчиёни тоҷик баҳои нодуруст монданд.
"Ҳама хуб баромад карданд, вале доварон ба баъзе варзишгарони мо ноадолатона рафтор карданд", - мегӯяд Ҷӯраев.
Мутахассис мутмаин аст, ки бохти Шаббос Неъматуллоев ва Баҳодур Усмонов бинобар баҳогузории ноодилонаи доварон сурат гирифт.
"На ба фоидаи мо, чунон ки аксар вақт рӯй медиҳад", - шарҳ дод коршинос.
Мураббӣ ҳамчунин Асрор Воҳидовро низ мисол овард.
"Вай захми хурд дошт, вале доварон ӯро беадолатона аз мубориза хориҷ карданд, ҳарчанд дар ин мубориза тоҷик ғолиб омад", - қайд кард ӯ.
Гузашта аз ин, мураббии тоҷик гуфт, ҷалби доварон ва ҳамчунин интихоби доварон ба бозиҳои олимпӣ таҳти назорати Кумитаи байналмилалии олимпӣ аст.
Хуршед Ҷӯраев таъкид кард, он довароне, ки қаблан дар мусобиқоти бузург кор мекарданд, ҳамчун доварии Бозиҳои осиёии соли 2023 боқӣ мондаанд.
"Қаблан раҳбари IBA Умар Кремлев ваъда дода буд, ки тартиботро дар системаи судӣ барқарор мекунад, аммо пас аз он ки КБО боксро таҳти назорати худ гирифт ва худаш ба баргузории мусобиқаҳои литсензионӣ шурӯъ кард, тартибот барқарор нашуд", - изҳор дошт ӯ.
Ёдовар мешавем, ки Бозиҳои XIX осиёӣ аз 23 сентябр то 8 октябр дар шаҳри Ханчжоуи Чин баргузор шуданд. Дар он ҳудуди 12,5 ҳазор варзишгар аз 45 кишвари ҷаҳон, аз ҷумла Тоҷикистон ширкат варзида, аз рӯи 40 риштаи варзиш ва 61 ришта мусобиқот баргузор шуд.
Ёдовар мешавем, ки Бозиҳои XIX осиёӣ аз 23 сентябр то 8 октябр дар шаҳри Ханчжоуи Чин баргузор шуданд. Дар он ҳудуди 12,5 ҳазор варзишгар аз 45 кишвари ҷаҳон, аз ҷумла Тоҷикистон ширкат варзида, аз рӯи 40 риштаи варзиш ва 61 ришта мусобиқот баргузор шуд.
Ба ҳайати тими Точикистон зиёда аз 110 нафар варзишгарон дохил шуданд, ки дар 18 намуди варзиш иштирок намуданд.
Дар ҷамъбасти мусобиқот боксчиёни тоҷик 2 медал гирифтанд. Давлат Болтаев медали тилло ва Миҷгона Самадова биринҷӣ. Онҳо инчунин ба Олимпиадаи соли 2024 дар Париж роҳхат гирифтанд.