ДУШАНБЕ, 11 окт — Sputnik. Ҷумҳурихоҳон дар Конгресси ИМА аз пешниҳоди муттаҳид кардани кумакҳои молӣ ба Украина ва Исроил интиқод карданд, хабар медиҳад REN-TV бо истинод ба шабакаи телевизионии NBC.
Ба иттилои манбаъ, қонунгузорони ҷумҳурихоҳ ба ин сенария вокуниши бад нишон доданд.
Аз ҷумла вакили Маҷлиси намояндагон Майкл Бурҷесс даъват кард, ки нахуст аз Исроил пуштибонӣ карда, ҳамзамон баррасии кумак ба Украинаро идома диҳад.
Аъзои конгресс Марджори Тейлор Грин қайд кард, ки ин масъалаҳо бояд алоҳида муҳокима шаванд. Ин ташаббусро узви конгресс Брайан Маст дастгирӣ кард, аммо ба назари ӯ, дигар бояд аз Украина пуштибонӣ накард ва баръакс тамоми кумакҳо ба Исроил равона шаванд.
Қаблан хабар дода шуд, ки Иёлоти Муттаҳида имкони якҷоя кардани кумак ба Исроил ва Украинаро баррасӣ мекунад, то Конгресс ҳарду ташаббусро тасдиқ кунад.
Ёдовар мешавем, ки чанде пеш Ҷош Ҳовлӣ. сенатори амрикоӣ изҳор дошт, ки " тамоми маблағҳо барои Украина бояд фавран ба Исроил равона шаванд".
Сиёсатмадор инчунин қайд кард, ки Исроил бо таҳдиди мавҷудият дучор шудааст.