ДУШАНБЕ, 11 окт — Sputnik. Системаи дифои ҳавоии Русия давоми 24 соати ахир 41 ҳавопаймои бесарнишини украинӣ, чаҳор снаряди HIMARS, ҳафт мушаки зиддирадарии HARM ва се бомбаи идорашавандаи JDAM-ро нобуд карданд.
Дар ин бора Вазорати мудофиаи Русия хабар дод.
"Дар давоми рӯз системаҳои дифои ҳавоӣ се бомбаи идорашавандаи JDAM, ҳафт мушаки зидди радарии HARM ва чаҳор системаи мушакии чандкаратаи HIMARS-и сохти амрикоиро боздоштанд", - гуфта мешавад дар изҳоротт Вазорат.
Илова бар ин, дар давоми рӯз нерӯҳои дифои ҳавоии Русия 41 ҳавопаймои бесарнишини украиниро дар вилоятҳои ҶМД, ҶМЛ, Запороже ва Херсон ҳадаф гирифта нобуд сохтанд.
Илова бар ин, Вазорати дифо хабар дод, ки низомиёни Русия дар фурудгоҳи Долгинтсево дар вилояти Днепропетровск як ҳавопаймои ҳамлавари Су-25-и Украинаро аз кор бароварданд.
Дар маҷмӯъ, аз оғози амалиёти вижа 488 ҳавопаймои низомии Украина, 250 чархбол, 7 709 ҳавопаймои бесарнишин, 441 системаи мушакии зиддиҳавоӣ, 12 496 танк ва дигар мошинҳои зиреҳпӯши ҷангӣ набуд карда шуданд.