ДУШАНБЕ, 7 окт — Sputnik. Русия таваҷҷуҳи тоҷиконро ба забони русӣ фаъолона тарғиб мекунад.
Дар ин бора Семён Григорев, сафири Федератсияи Русия дар Душанбе зимни конфронси илмӣ-амалии "Таълимоти гуногунфарҳангӣ ва бисёрзабонӣ дар Тоҷикистон" хабар дод.
Ба гуфтаи ӯ, беш аз 120 ҳазор толибилми тоҷик ба забони русӣ таҳсил мекунанд ва боқимонда дар феҳристи фанҳои таълимӣ онро доранд.
"Натиҷаи кори муштараки моро метавон бо чанд рақам мисол овард - дар Тоҷикистон 60 мактаб танҳо ба забони русӣ фаъолият мекунанд ва дар 178 мактаби дигар синфҳои русӣ мавҷуд аст", - гуфт дипломат.
Григорев хотиррасон кард, ки дар ҷумҳурӣ омӯзиши забони русӣ аз синфҳои 2 то11 ба барномаи таълимии мактабҳо дохил карда шудааст. Дар ин ҷо ҳамагӣ 9 ҳазор нафар муаллимон дарс медиҳанд.
"Боиси хушнудист, ки ин рақамҳо ба шарофати талошҳои ҳукумати Тоҷикистон ва ташаббусҳои соҳибкории хусусӣ пайваста меафзояд", - қайд кард сафир.
Дипломат инчунин саҳми Русияро дар рушди маорифи русзабон дар ҷумҳурӣ, аз ҷумла бо таваҷҷӯҳ ба омӯзиши амиқи фарҳангу анъанаҳои рус аз ҷониби ҷавонони тоҷик қадрдонӣ кард.
Ёдовар мешавем, ки қаблан Григорев таваҷҷуҳро ба он ҷалб карда буд, ки соли 2023 дар кишварҳои Иттиҳод соли забони русӣ ҳамчун забони муоширати байни миллатҳо эълон шудааст.