ДУШАНБЕ, 7 окт — Sputnik. Ҳавои Тоҷикистон боронӣ мешавад, боридани жола, ба амал омадани раъду барқ ва вазиши боди шадид низ дар назар аст.
Ба иттилои Оҷонсии обуҳавошиносӣ, ҳарорати рӯзонаи ҳаво то 5-3 дараҷа паст шуда, вазиши шамол дар баъзе ноҳияҳо то 13-18 метр дар як сония мерасад.
Ҳамин тариқ дар Вилояти Мухтори Кӯҳистони Бадахшон ҳаво тағйирёбанда шуда, дар баъзе ноҳияҳо борон ва дар ноҳияҳои алоҳидаи ғарбии вилоят борони бошиддат ба амал меояд. Вазиши шамол то 7-12 метр дар як сония мерасад.
Ҳарорати ҳаво бошад, дар ғарби вилоят рӯзона то 21 ва шабона то 9 дараҷа гарм мешавад. Дар қисмати шарқӣ рӯзона то 12 дараҷа гарм ва шабона то 8 дараҷа сардӣ пешгӯӣ мешавад.
Зимнан, ҳавои вилояти Суғд низ боронӣ мешавад. Дар баъззе ноҳияҳо жола меборад ва ба амал омадани раъду барқ низ дар назар аст. Шамол дар ин вилоят бо шиддати 12метр дар як сония мевазад. Дамои ҳаво рӯзона то 26 ва шабона то 15 дараҷа гарм мешавад.
Дар баъзе аз ноҳияи вилояти Хатлон боришоти шадиди борон дар назар аст.Ҳаво бошад рӯзона то 27 ва шабона то 16 дараҷа гарм мешавад.
Дар НТМ ҳаво абрнок мешавад, вале боришоти борон дар назар нест. Шамол дар ин минтақа низ то 12 метр дар як сония мевазад. Ҳаврорати ҳаво рӯзона то 26 ва шабона то 14 дараҷа гарм хоҳад шуд.
Дар шаҳри Душанбе ҳавои тағйирёбанда шуда, шабона борон ба амал омада, рӯзона бебориш пешгӯӣ мешавад. Дар марказ рӯзона 25 ва шабона 14 дараҷа гармӣ пешгӯӣ мешавад.