Тарҳи рӯйпӯшгардонии партовгоҳи Табошар аз ҷониби "Росатом" 5 моҳ қабл аз муҳлат анҷом дода шуд.
Тамоми партовҳои бузургҳаҷми партовгоҳи радиоактивӣ дар Табошар ба зарфҳои оҳану бетонӣ ҷой дода шуда, пасмондаҳо низ бо қабати ғафсиаш то 1,5-метрӣ рӯйпӯш гардонда шудаанд.
Дар маросими ҷамъбасти тарҳ, дар баробари вазири саноат ва технологияҳои нави Тоҷикистон, Шералӣ Кабир инчунин намояндаи корпоратсияи "Росатом" Николай Спасский иштирок кард.
Тарҳ дар дар доираи барномаи байнидавлатии "Барқарорсозии ҳудудҳои давлатҳои аз истихроҷи уран зарардида" аз ҷониби "Росатом" амалӣ шуд.
Баландии партовҳо дар пайи корҳои безараргардонӣ аз 65 метри қаблӣ то 35 метр поин оварда шуда, вазъи радиатсионӣ то ҳадди поинтарин тибқи меъёрҳои байналмилалӣ коҳиш дода шудаст.
Корҳои анҷомёфта монеа мешаванд, ки боду борон партову чанги радиоактивиро ба гирду атроф паҳн созанд.
Раиси Суғд, Раҷаббой Аҳмадзода интизор дорад, ки бо ҷалби "Росатом" партовгоҳҳои радиоактивии минтақа безарар гардонда мешаванд.
Дар маросими ҷамъбасти тарҳ дар Табошар таъкид шуд, ки таҷрибаи андӯхтаи мутахассисони ҳам рус ҳам тоҷик дар дигар иншооту партовгоҳҳои урании Тоҷикистон истифода хоҳад шуд.