ДУШАНБЕ, 2 окт – Sputnik. Дар Донишгоҳи миллии Тоҷикистон Маркази забони белорусӣ ва технологияи инноватсионӣ ба истифода дода шуд, иттилоъ додааст дафтари матбуоти вазорати кишоварзӣ.
Бино бар иттилои манбаъ маркази макур дар ҳошияи Ҷаласаи 16-уми Комиссияи байниҳукуматии Тоҷикистону Беларус доир ба ҳамкориҳои тиҷоратию иқтисодӣ ва ҳамкориҳои мутақобилан судманд дар самти илм ва инноватсия ифтитоҳ шудааст.
Дар маросими баистифодадиҳӣ Вазири кишоварзии Тоҷикистон Ҳакимзода Қурбон, Вазири кишоварзӣ ва хӯроквории Белорус Сергей Бартош, Сафири фавқулода Тоҷикистон дар Белорус Сафарзода Бахтовар, Сафири Белорус дар Тоҷикистон Денисенко Виктор, ректори Донишгоҳи миллии Тоҷикистон Хушвахтзода Қобилҷон, устодон ва донишҷӯён иштирок намуданд.
Ҳамчунин зимни ифтитои марказ барои густариши ҳамкориҳои судманди Донишгоҳи миллии Тоҷикистон бо Донишгоҳҳои Белорус ба Ректори донишгоҳ Хушвахтзода Қобилҷон тавсияҳо дода шуд.
Инчунин ҳайати белоруст аз Осорхона ва Маркази илмӣ-таҳқиқотии Президенти Тоҷикистон Эмомалӣ Раҳмон боздид намуданд.