ДУШАНБЕ, 23 сен — Sputnik. Вазорати дифои Русия рӯзи шанбе хабар дод, ки дар тӯли як ҳафта дар ҷараёни талошҳои ноком барои убури Днепр, нерӯҳои украинӣ дар самти Херсон ҳудуди 440 низомии худро аз даст додаанд.
Ба иттилои ин ниҳод, низомиёни украинӣ дар сати Херсон кӯшиш намуданд, ҷазира ва соҳили чапи дарёи Днепрро ишғол намоянд.
"Дар ҷараёни набардҳо то 445 нафар низомиёни украинӣ, 9 мошини зиреҳпӯши ҷангӣ, 35 мошин, 11 тӯпхонаи саҳроӣ нобуд карда шуданд. Илова бар ин, фаъолияти ҳашт гурӯҳи тахрибкор саркӯб карда шуд", - афзуд вазорати дифоъ.
Зимнан, Вазорати мудофиа хабар дод, ки дар тӯли 24 соати охир системаҳои дифои ҳавоии Русия 5 мушаки зидди киштии Украина ва 37 ҳавопаймои бесарнишинро хароб карданд.
"Дар тӯли як ҳафта низомиёни украинӣ кӯшиш кард, ки ҳадафҳои нимҷазираи Қримро бо мушакҳои болдор ва ҳавопаймоҳои бесарнишин зарба занад. Дар ҳоле ки ҳамлаҳои системаҳои дифоъи ҳавоии Русия, панҷ мушаки болдор, як мушаки зидди киштии "Нептун" ва 37 ҳамлаи бидуни сарнишин ҳавопаймоҳо нобуд карда шуданд", - гуфта мешавад дар изҳорот.
Русия 24 феврали соли 2022 амалиёти вижаи низомиро дар қаламрави Украина оғоз кард. Президент Владимир Путин ҳадафи онро "ҳимояи одамоне номид, ки дар тӯли 8 сол таҳти таҳқиру генотсид аз ҷониби режими Киев қарор гирифтаанд".
Илова бар ин, ҳадафҳои амалиёти вижаи низомӣ инчунин нозизудоӣ ва ғайринизомӣ сохтани Украина буд.