ДУШАНБЕ, 21 сен — Sputnik. Роҳи Душанбе-Чаноқ мунтазири таъмир аст.
Дра ин бора ширкати Innovative Road Solutions, ки ба ҷамъоварии маблағ ва нигоҳдории роҳи пайвандагри марказу шимоли Тоҷикистон машғул аст, хабар дод.
Гуфта мешавад, ки аломатҳои роҳ аз нав кашида мешаванд.
"Дар ин раванд ҳеҷ як қисми роҳе, ки чунин амалҳоро тақозо мекунад, сарфи назар карда нахоҳад шуд", - изҳор дошт намояндагии ширкат.
Онҳо инчунин таъкид карданд, ки "азнав кашидани ин хатҳо мунтазам дар маркази таваҷҷӯҳи роҳбарияти IRS қарор дорад."
IRS инчунин ба ронандагон ва мусофирон барои сабр ва ғамхорӣ дар бораи сифати корашон изҳори сипос кардааст.
Қаблан хабар дода шуд, ки кормандони ширкати IRS қитъаи роҳи Айнӣ - Кӯҳистони Мастчоҳро пурра таъмир карданд.
Дар доираи азнавсозӣ зиёда аз 4 ҳазор метри мураббаъ роҳи автомобилгард, қитъаҳои харобшуда пурра таъмир карда шуда, бо риояи қоидаҳои роҳсозӣ асфалти нав гузошта шуд.
Ёдовар мешавем, бино ба як шартномаи консессионӣ бо ҳукумат ва ҳам таъйиди он аз сӯйи Маҷлиси Олии Тоҷикистон, нигоҳдории роҳи мошингарди Душанбе – Чаноқро филиали гиркати бритониёии "Инновейтив Роуд Солюшнз ЛТД" аз соли 2010 ба ин сӯ ба зимма дорад.
Тоҷикистон бо ин ширкат барои нигоҳубини роҳ ва пулчинӣ ба муддати 30 сол шартнома дорад ва ин ширкат аз пардохти ҳама гуна андоз, ба ҷуз аз пардохтҳои иҷтимоӣ озод аст.
Шоҳроҳи Душанбе - Чаноқ бо имтидоди 410 километр бо сармоягузории 296 миллион доллар, бахусус 281 миллион доллари қарзи Чин бо 2%-и солона ва муҳлати 20-сола аз соли 2006 то 2009 навсозӣ шудааст.