ДУШАНБЕ, 16 сен — Sputnik. Сафири Қирғизистон дар Тоҷикистон Эрлан Абдилдаев ба Вазорати корхои хориҷӣ даъват карда шуд, иттилоъ додааст вазорати умури хориҷаи Тоҷикистон.
Тибқи иттилои манбаъ, зимни суҳбат ҷониби Тоҷикистон ба таваҷҷӯҳи сафир Қирғизистон ба масъалаҳое, ки 15 сентябри соли равон ба миён омада буданд, расонида шуд.
ВУХ таъкид кардааст, ки дар фазои иттилоотӣ изҳороти як мақоми баландпояи ҳукумати Қирғизистон дар масъалаҳои марзи Тоҷикистону Қирғизистон нашр шуд.
Ба дипломати қирғиз расонида шуд, ки ин гуна изҳорот метавонад ба пешрафти раванди музокирот дар мавриди делимитатсия ва аломатгузории марзи Тоҷикистону Қирғизистон ва ба эътимоди муштаракро таъсири манфии ҷиддӣ мерасонад.
Ёдовар мешавем, ки ахиран муовини нахуствазир, раиси Кумитаи давлатии амнияти миллии Қирғизистон Қамчибек Ташиев аз мақомоти Тоҷикистон даъват кард, ки аз даъвоҳои ҳудудӣ даст кашанд.