Дар "Шоми дӯстӣ" президенти Тоҷикистон ҳамроҳ бо меҳмонон — президентҳои Қазоқистон, Туркманистон, Ӯзбекистон Озарбойҷон дар Бӯстонсаройи ҳукуматии кишвар ба сайру гашти шомгоҳӣ баромаданд.
Дар ин сайру гашт президентҳо бо намоишгоҳи неъматҳои табиии диёри биҳиштосои мо шинос шуданд.
“Дар намоишгоҳи пуршукӯҳ меваю сабзавот, хушкмеваю асал ва дигар неъматҳои бебаҳои табии давлати мо ба маъраз гузошта шуда, ба меҳмонони олимақом бисёр писанд омад”, - қайд кардааст хадамоти матбуоти раисҷумҳур.
Барои роҳбарои Осиёи Марказӣ, дар роҳравҳои алоҳида ҳар як намуд маҳсулоти кишоварзӣ бо шаклу услуби хос ва ороиши гуногун пешкаш гардид.
Хадамоти матбуоти раисҷумҳур таъкид кардааст, ки "Шоми дӯстӣ" барои сарони давлатҳои Осиёи Марказӣ бисёр писанд омад ва меҳмонон бори дигар ба имконоту захираҳои фаровони Тоҷикистон дар самти истеҳсоли меваю сабзавоти хушсифат ва хушкмеваҳо, инчунин намудҳои гуногуни таомҳои хушлаззат аз наздик шинос шуданд.