ДУШАНБЕ, 9 сен — Sputnik. Ҳусайни Амирабдуллоҳиён, вазири умури хориҷаи Эрон дар паёме ба Сироҷиддин Муҳриддин, солрӯзи истиқлоли Тоҷикистонро табрик гуфт.
Дар паёми табрикии Ҳусайни Амирабдуллоҳиён, вазири умури хориҷаи Эрон ба Сироҷиддин Муҳриддин, вазири умури хориҷаи Тоҷикистон, зимни табрики 32-умин солрӯзи истиқлоли давлатии Тоҷикистон ба давлату миллати ҳамзабон ва ҳамфарҳанги ин кишвар, изҳори умедворӣ шудааст, ки ҳамкорӣ ва таомулоти ҳамаҷонибаи ҷорӣ байни ду кишвари дӯсту бародар беш аз пеш тавсеа ёбад.
Ёдовар мешавем, ки чанде пеш Раисҷумҳури Ҷумҳурии исломии Эрон дар паёмаш мардум ва раҳбари Тоҷикистонро бо солрӯзи истиқлоли давлатӣ табрик намудааст.
Раисҷумҳури Эрон дар паёмаш қайд кардааст, ки иштирокоти фарҳангӣ, таърихиву забонӣ, алоиқи муштараку табодули ҳайатҳои олирутба нақши қобили таваҷҷуҳе дар густаришу идомаи таомулоти фимобайн доштааст.
Раисҷумҳури Эрон изҳори умедворӣ кардааст, ки дар оянда дар партави талоши муштарак беш аз пеш шоҳиди густариши рӯзафзуни равобит миёни ду кишвар, дар ростои манофеи мутақобил ва тавсеаву амнияти минтақаӣ ва байналмилалӣ бошем.