ДУШАНБЕ, 6 сен — Sputnik. Раисҷумҳури Тоҷикистон, Эмомалӣ Раҳмон дар мулоқот бо мудири иҷроияи Кумитаи шарқии иқтисоди Олмон Михаэл Ҳармс таҳкими ҳамкориҳоро баррасӣ намуданд.
Ба иттилои дафтари матбуоти раисҷумҳури Тоҷикистон, дурнамои ҳамкориҳои тиҷоратию иқтисодӣ ва сармоягузорӣ бо Олмон аз мавзуъҳои меҳварии мулоқот будаанд.
Раҳмон аз принсипҳои эътимод, ҳамдигарфаҳмӣ ва тарафайн судманди муносибот гуфтаст.
Ҳамкорӣ дар бахшҳои гидроэнергетика, саноат, кишоварзӣ, нақлиёт, хурокворӣ, истихроҷу коркарди маъданҳои кӯҳӣ ва металлҳои нодир, мошинсозӣ, кимиё, фарматсевтика ва бунёди корхонаҳои муштараки истеҳсолӣ ояндадор арзёбӣ шудаанд.
Эмомалӣ Раҳмон ҷалби бештари сармояи олмонӣ, навовариҳо ва воридоти технологияи нав аз Олмон ба соҳаҳои афзалиятноки Тоҷикистон зарур шумурда шуд.
Ҳамчунин ба коркард ва содироти маҳсулоти кишоварзии аз лиҳози экологӣ тозаи Тоҷикистон таваҷҷуҳ сурат гирифтааст.
Ҳамкории байнидавлатӣ дар қолаби "Шарикии сармоягузории Тоҷикистону Олмон" мувофиқи мақсад шуморида шуда, ҷонибҳо изҳори итминон кардаанд, ки мулоқоти бахши хусусии ду кишвар ба ин такон хоҳад бахшид.