ДУШАНБЕ, 4 сен – Sputnik. Дар Тоҷикистон ҳавои тағйирёбанда пешгӯӣ шуда, дар бархе навоҳӣ борону раъду барқ дар назар аст.
Ба иттилои Агентии ҳавошиносии Тоҷикистон, ҳарорати ҳаво дар кишвар аз -4 дараҷа хунук дар шарқи ВМКБ то 34 дараҷа дар навоҳии марказию ҷануби кишвар пешгӯӣ мегардад.
Манбаъ тавзеҳ дод, ки ҳарорат дар ғарби ВМКБ шабона 8+13 дараҷа гарм, дар баъзе ноҳияҳо то 17+19 дараҷа гарм, рӯзона 25+30 дараҷа гарм, дар шарқи вилоят шабона аз 0+5 дараҷа гарм то 2-4 дараҷа хунук ва рӯзона 12+17 дараҷа гарм мешавад.
Суғдро низ ҳавои тағйирёбанда, фаро гирифта, рӯзона дар ноҳияҳои алоҳидаи кӯҳӣ борони кӯтоҳмуддат ва раъду барқ дар назар аст. Ҳарорат дар водиҳо шабона 15+20 дараҷа гарм, рӯзона 27+32 дараҷа гарм, дар ноҳияҳои кӯҳӣ шабона 5+10 дараҷа гарм, рӯзона 19+24 дараҷа гарм мегардад.
Дар вилояти Хатлон боришот дар назар набуда, ҳарорат дар водиҳо шабона 15+20 дараҷа гарм, рӯзона 30+35 дараҷа гарм, дар доманакӯҳҳо шабона 13+18 дараҷа гарм, рӯзона 24+29 дараҷа гарм дар назар аст.
Ноҳияҳои тобеи ҷумҳуриро ҳавои тағйирёбанда фаро гирифта, рӯзона дар ноҳияҳои кӯҳӣ борони кӯтоҳмуддат ва раъду барқ мешавад. Ҳарорат дар водиҳо шабона 15+20 дараҷа гарм, рӯзона 29+34 дараҷа гарм, дар ноҳияҳои кӯҳӣ шабона 9+14 дараҷа гарм, рӯзона 25+30 дараҷа гарм дар назар аст.
Дар Душанбе ҳавои камабри бебориш шуда, ҳарорат шабона ба 17+19 дараҷа гарм ва рӯзона ба 31+33 дараҷа гармӣ баробар мегардад.