ДУШАНБЕ, 24 авг — Sputnik. Намояндагони Донишгоҳи давлатии Воронежи Русия таҳти роҳбарии ректори донишгоҳи мазкур Дмитрий Ендовитский ба Донишгоҳи миллии Тоҷикистон омада, бо ректори донишгоҳ, профессор Қобилҷон Хушвахтзода мулоқот намуданд.
Дар ин дидор ҷонибҳо дар бораи рушди ҳамкории илмию таълимӣ табодули афкор намуданд.
Дар идомаи сафар меҳмонон бо устодону кормандони факултети иқтисодии донишгоҳ, аз ҷумла - факултети баҳисобгирӣ ва иқтисоди рақамии донишгоҳ вохӯрӣ намуда, бо чанд синфхонаю толорҳои илмию таълимӣ шинос шуданд.
Зимни вохӯрӣ ҷонибҳо вобаста ба рушди ҳамкорӣ дар самти табодули устодону донишҷӯён, баргузории ҳамоишҳои гуногуни илмию амалӣ ва нашри маводи илмӣ суҳбат намуданд.
Ҳамзамон, меҳмонон бо Осорхона ва Маркази илмӣ-таҳқиқотии президент, ки дар донишгоҳ ҷойгир мебошанд, шинос шуданд.
Ҳамчунин намояндагони Донишгоҳи давлатии Воронежи Русия таҳти роҳбарии ректори донишгоҳи мазкур Дмитрий Ендовитский инчунин аз Донишгоҳи славянии Русияву Тоҷикистони дидан карданд ва бо раҳбари донишгоҳ Файзулло Машраб Қурбоналӣ мулоқот кардааст.
Дар ҷараёни сӯҳбат рушди минбаъдаи ҳамкориҳои ду донишгоҳ низ баррасӣ шуданд. Ҷонибҳо ҳам рафти иҷрои созишномаҳои аллакай басташуда ва ҳам созишномаҳои навро муҳокима намуданд, таъкид кард хадамоти матбуотӣ.