ДУШАНБЕ, 24 авг — Sputnik. Дар толори мақомоти иҷроияи ҳокимияти давлатии вилояти Хатлон мулоқоти раиси вилоят Давалаталӣ Саид ва намояндаи ЮНИСЕФ Эри Двиведӣ баргузор гардид.
Дар ин бора дафтари матбуоти раиси вилояти Хатлон хабар дод.
Зимнан зикр мегардад, ки ҷонибҳо нахуст доир ба рушди муносибатҳо табодули афкор намуда, пас аз он Давалталӣ Саид оид ба татбиқи бомуваффақияти лоиҳаҳои муштарак маълумот дод.
Аммо ба гуфтаи раиси вилоят, дар минтақа як зумра мушкилоти иҷтимоӣ низ шадидтар шудааст, аз ҷумла:
шумораи нокифояи синфхонаҳо,
сатҳи пасти хизматрасонии тиббӣ,
набудани муассисахои томактабй.
Ҳамин тариқ, таъкид шуд, ки ба далели афзоиши босуръати аҳолӣ барои беҳбуди вазъи иҷтимоъии вилояти Хатлон тадбирҳо андешида мешаванд.
"Ба масъалаи бунёди муассисаҳо ва синфхонаҳо ва баланд бардоштани сифати таълим таваҷҷуҳи хоса зоҳир карда мешавад", - хулоса карданд ҷонибҳо зимни мулоқот.
Раиси вилоят ва намояндаи ЮНИСЕФ изҳори умедворӣ карданд, ки дар чаҳорчӯби ҳамкорӣ дар беҳбуди некӯаҳволии сокинон саҳм гузошта, мушкилоти мавҷударо ҳаллу фасл хоҳанд кард.
Қаблан раиси вилояти Хатлон Давалаталӣ Саид ба 16 омӯзгори ҷавон қитъаи замин ҷудо карда буд.
Ҳамин тариқ, барои соли таҳсили 2022-2023 беш аз 100 нафар мутахассисони соҳаи маориф дар ноҳияҳои Дӯстӣ, Кӯшониён ва Данғара қитъаи замин гирифтанд.