ДУШАНБЕ, 7 авг — Sputnik. Ҳаҷми маҳсулоти саноатӣ дар шаш моҳи соли раон ба 20,7 млрд сомонӣ расонида шуд, ки нисбат ба ҳамин давраи соли гузашта 1,8 млрд ё 10,3% зиёд мебошад, гуфт зимни нишасти матбуотӣ вазири саноат ва технологияҳои нави Тоҷикистон Шералӣ Кабир.
Ба гуфтаи вай, ин нишондод байни кишварщои ИДМ яке аз нишондодҳои болотрин мебошад.
Шералӣ Кабир таъкид кард, ки мақомот кишвар ният дорад то охири сол нишондодҳои саноатии кишварро ба 118% яъне 47 млрд сомонӣ расонад.
Вай таъкид кард, ки яке аз нишондодҳои беҳтарин дар соҳа нишондоҳои шаҳри Душанбе мебошад 121,1% сипас дар ин феҳрист вилояти Хатлон (112%), Суғд (111%), ВМКБ (98%) ва НТҶ (94%) қарор гирифтааст.
Вазири саноат гуфт ки, дар ҳоли ҳозир дар қаламрави Тоҷикистон 3243 корхона ба қайд гирифта шуд, ки нисбат ба 6 моҳаи соли гузашта 764 корхона зиёд мебошад.
Вай илова кард, ки дар зарфи 6 моҳ 489 корхона бори аввал дар ҷумҳурӣ созмон дода шуд, ки ин нишонаи бевоситаи дастгирии соҳибкорони кишвар аз сиёсати пешгирифтари давлат шаҳодат медиҳад.