ДУШАНБЕ, 20 июл – Sputnik. Дар ҳоли ҳозир ҳеҷ шаҳрванди кишвар ба сафорати Тоҷикистон дар Эрон барои кумак муроҷиат накардааст, иттилоъ дод ба Sputnik манбаъ аз вазорати умури хориҷии кишвар.
"Ягон шаҳрванди Тоҷикистон осеб надидааст ва ба намояндагии дипломатии Тоҷикистон низ муроҷиат вобаста ба ин нашудааст", - гуфт вазорати хориҷа.
Ёдовр мешавем, ки мавҷи ҷадиди вазиши тӯфони гирдбод дар рӯзҳои ахир бори дигар барои сеюмин бор аз ибтидои тирмоҳ токунун минтақаи Сиистон воқеъ дар шимоли устони Сиистону Балуҷистонро фаро гирифта ва мардуми минтақаро бо чолиши ҷаддӣ мувоҷеҳ кардааст.
Чанде пеш дар бораи теъдоди захмиён, сардори ситоди бӯҳронии музофот Маҷид Моҳеббӣ гузориш дод.
Бар асоси ахбори расида дар пайи мавҷи ҷадиди вазиши бод дар минтақаи Сиистон аз аз оғози тӯфонҳо токунун дар панҷ шаҳристон Зобул, Заҳк, Ҳомун, Ҳирманд ва Нимрӯз 998 нафар аз мардуми ин минтақа роҳии бемористону марокиз дармонӣ шуданд.
Ба иттилои манбаъ аз 769 ашхосе, ки дар бемористон ҳастанд 71 нафараш танҳо дар рӯзҳои бистарӣ гардиданд.
Ҳамзамон тибқи иттилои расонаҳо дар панҷ ноҳияи вилояти Сиистон 30 нафар бистарӣ шудаанд, боқимонда табобати амбулаторӣ мегиранд.
Қаблан дар бораи ҷароҳати беш аз 250 дар паи тӯфони қум гузориш шуда буд.
Вазъият ҳамоно мушкил боқӣ мемонад ва мақомоти Эрон талош доранд, то оқибатҳои тӯфонро коҳиш диҳад ва ба осебдидагон кумак расонанд.