ДУШАНБЕ, 17 июл — Sputnik. Артиши Русия аз кӯшиши ҳамлаи Киев ба объектҳо дар Қрим бо кӯмаки 28 ҳавопаймои бесарнишин ҷилавгирӣ кард.
Дар ин бора Вазорати мудофиаи кишвар хабар додааст.
"17 ҳавопаймои бесарнишини украинӣ тавассути системаҳои дифоъи ҳавоӣ нобуд карда шуданд. 11 ҳавопаймои дигар бо дастгоҳҳои электронӣ пахш карда шуданд, ки ба ҳадаф нарасида, суқут карданд", - афзуд вазорат.
Дар натиҷаи ҳамлаи террористӣ талафот ва хисорот ба қайд гирифта нашудааст.
Қаблан раҳбари Қрим Сергей Аксенов низ дар бораи ҳамлаи нокоми нерӯҳои мусаллаҳи Украина хабар дода буд.
Украина пайваста кӯшиш мекунад, ки ба қаламрави нимҷазира, аз ҷумла Севастопол бо ҳавопаймоҳои бесарнишин ҳамла кунад.
Дар авоили моҳи июл Николай Патрушев, дабири Шӯрои Амният гуфт, ки дар соли ҷорӣ Киев беш аз 70 кӯшиши ҳамла ба Қримро бо ёрии ҳавопаймоҳои бесарнишин кардааст.