ДУШАНБЕ, 16 июл — Sputnik. Мактабҳои русӣ метавонанд ба барномаи таълимӣ курсҳо ё модулҳои омӯзиши забони русиро барои шаҳрвандони хориҷӣ ворид кунанд.
Лоиҳаи фармоиши дахлдори Вазорати маорифи Русия дар портали расмии лоиҳаи санадҳои меъёрии ҳуқуқӣ нашр шудааст.
Ҳамин тавр, барои фарзандони муҳоҷироне, ки забони русиро намедонанд ва ё онро суст медонанд, имкони ташкили барномаҳои таълимии иловагӣ фароҳам мешавад.
Ҳамин тариқ, мактаббачагон ба сатҳи донистани забоне хоҳанд расид, ки барои таҳияи барномаҳои асосии таҳсилоти умумӣ зарур аст, гуфта мешавад дар ҳуҷҷат.
Ҳамчунин мушаххас шудааст, ки барои муайян кардани ниёзи кӯдак ба чунин курсҳо, мутахассисон сатҳи дониши кӯдакро арзёбӣ мекунанд.
Гуфта мешавад, сол то сол теъдоди муҳоҷирони корӣ, аз ҷумла онҳое, ки бо кӯдакони ноболиғ ба Русия меоянд, афзоиш меёбад.
Тибқи омор, шумори шаҳрвандони ноболиғи хориҷӣ, ки таҳсил мегиранд, аз соли 2021 беш аз 74 ҳазор нафар афзоиш ёфтааст. Дар ҳамин ҳол, аз рӯи натиҷаҳои ташхиси аввалия маълум шудааст, ки 77 дарсади фарзандони волидони муҳоҷир забони русиро кам ё тамоман намедонан, гуфта мешавад дар ҳуҷҷат.