ДУШАНБЕ, 6 июл — Sputnik. Александр Лукашенко кишвардори Белорус гуфт, Зеленский дигар умеди пирӯзиро надорад.
Ин ҳарфҳоро роҳбари Беларус дар мулоқот бо рӯзноманигрони белорусӣ ва хориҷ изҳор дошт.
Ба боварии Лукашенко ҳамтои украинии ӯ барои раҳоӣ аз ин вазъият чораҳо меандешад.
Ҳамчунин, ба гуфтаи раисиҷумҳури Беларус, Зеленский дарк кардааст, ки "ҳамлаи ҷавобӣ ба ҷуз марги ҳазорон ҳазор нафар барои ӯ дигар чизе оварда наметавонад".
Маҳз ба ҳамин далел, ба гуфтаи Лукашенко, раиси ҷумҳури Украина тадриҷан ба даъвокунӣ ба касоне, ки онҳоро ба ин ҷанг телла доданд, оғоз намудааст.
"Пеш аз ҳама, даъвоҳо дар шакли пул ва силоҳҳои нав", - иқтибос меорад ҳарфҳои Лукашенкаро хабаргузории БелТА.
Президент пешгӯӣ мекунад, ки "ҷанг дар Украина афзоиш хоҳад ёфт", зеро ин кишвар ҳамчунон захираҳои қобили мулоҳизаи стратегӣ дорад.
"То 11 июл (то нишасти НАТО - идора) онҳо бояд чизе нишон диҳанд. Онҳо Русияро бо дандон санҷиданд. Муваффақ нашуданд ва нахоҳанд шуд. Агар ҳоло беҳтарин низомиёни украиниро ба майдони ҷанг бароранд ҳам, билохира тавоноии ҷангии Украина дафн хоҳад шуд", - илова намуд Лукашенко.
Қаблан, раиси Думаи давлатии Русия, Зеленскийро ба он муттаҳам кард. ки соҳибихтиёрии Украинаро нобуд кард.
"Кишваре, ки аз таърих, забон, эътиқод, фарҳанг ва анъанаҳои худ даст кашад, соҳибихтиёрии худро аз даст медиҳад. Зеленский дар ин масъалаҳо ба Украина хисороти ҷуброннопазир расонд", - гуфт Володин.