ДУШАНБЕ, 6 июл — Sputnik. Бе иштироки Афғонистон амалӣ кардани ташаббусҳои нақлиётӣ ва энергетикии СҲШ ғайриимкон аст, гуфт Бахтиёр Ҳакимов, намояндаи вижаи раисиҷумҳури Русия дар ин созмон.
"Мо (дар СҲШ - ред.) давлатро қабул кардем, на ҳукумат. Афғонистон бояд дар ҳама лоиҳаҳои умумӣ ҷалб карда шавад - ин маълум аст. Бе иштироки ин кишвар рушди ҳам иртиботи нақлиётӣ ва на лоиҳаҳои бузурги энергетикӣ ғайриимкон аст",- гуфт дипломат.
Ба гуфтаи вай, ҷалби ҷониби Афғонистон дар татбиқи ташаббусҳои минтақавии созмон аз он сабаб мушкил аст, ки ҳукумати Толибон*-ро ҷомеаи ҷаҳонӣ эътироф намекунад.
Ин дар навбати худ ба он оварда мерасонад, ки гурӯҳи тамоси СҲШ ва Афғонистон фаъолият карда наметавонад.
Ҳакимов аз тарҳҳои бунёди лӯлаи гази ТАПИ аз Туркманистон ба Ҳиндустон тавассути қаламрави Афғонистону Покистон ва ҳамчунин бунёди хатҳои интиқоли барқи CASA-1000 бо ширкати Қирғизистон, Тоҷикистон, Афғонистон ва Покистон ёдовар шуд.
Қаблан хабар дода шуда буд, ки Толибон* исрор доранд, ки дар ҷаласаи навбатии Шӯрои сарони кишварҳои узви СҲШ, ки дар Қазоқистон баргузор мешавад, ширкат кунанд.
Онҳо таъкид карданд, ки аз чунин мулоқотҳо ба манзури расидан ба ҳамоҳангӣ ва амният дар минтақа ва густариши ҳамкорӣ истиқбол мекунанд.
Дар баробари ин, бо даъвоҳо, ки ҳукумати онҳо фарогир нест, гуруҳ ихтилоф баён карда шуд.
* - созмон барои фаъолиятҳои террористӣ таҳти таҳримоти СММ қарор дорад.