ДУШАНБЕ, 21 июн — Sputnik. Раисиҷумҳури Амрико Ҷо Байден дар робита ба ҳодисаи аэростат дар фазои Иёлоти Муттаҳидаи Амрико раҳбари Чин Си Ҷинпинро диктатор номид, хабар медиҳад хабаргузории Reuters.
Президенти ИМА, ки як рӯз пеш дар як чорабинӣ дар Калифорния суханронӣ кард, гуфт, ки сабаби нороҳат шудани раҳбари Чин аз нобуд кардани аэростат бо таҷҳизоти ҷосусӣ ин буд, ки Си Ҷинпин намедонист, ки он дар фазои Амрико буд.
"Ин барои диктаторҳо як шармандагии бузург аст. Вақте ки онҳо намедонанд, ки чӣ ҳодиса рух медиҳад. Дар куҷое, ки ин ҳодиса рӯй дод, набояд рух дод”, - гуффт Байден.
Дар ҳамин ҳол, як рӯз пеш раҳбари Амрико гуфта буд, ки равобити Вошингтон ва Пекин "дар роҳи дуруст" қарор дорад ва мулоқоти Энтони Блинкен, вазири хориҷа ва Си Ҷинпин боиси пешрафт шудааст.
Боздиди вазири хориҷаи ИМА ба Чин, ки рӯзи душанбе ба поён расид, нахустин сафари коқои Блинкен ба Пекин дар панҷ соли ахир буд, ки дар пасманзари ба таври қобили мулоҳиза бад шудани равобити Чин ва Амрико ба далели як қатор масъалаҳо, аз ҷумла Тайван, ҳодисаи нобудсозии аэростати чинӣ дар болои ИМА, инчунин ихтилофҳои давомдори тиҷорӣ ва технологӣ мебошад.