ДУШАНБЕ, 15 июн — Sputnik. Корманди Хадамоти гумруки Тоҷикистон Парвиз Тағоев барандаи озмуни байналмилалии “Мутахассиси беҳтарини Иттиҳоди Давлатҳои Мустақил дар соли 2023” гардид.
Дар ин бора дафтари матбуоти Хадамоти гумруки кишвар хабар додааст.
Тағоев аз рӯи номинатсия корманди давлатӣ ва корманди мақомоти ҳифзи ҳуқуқ сазовори ҷои аввал гардид.
Гуфта мешавад, ки ӯ бо дипломи дараҷаи 1, нишони сарисинагӣ ва шаҳодатнома мукофотонида шудааст.
Манбаъ таъкид кард, ки ин озмун дар доираи Иттиҳод аз рӯи 21 номинатсия баргузор шудааст.
Чорабинии мазкурро Вазорати маорифи Қазоқистон ҳамроҳ бо Анҷумани Ҷунбиши умумимиллии "Бобек" ташкил намудааст.
Қаблан ғолиби озмуни "Беҳтарин донишҷӯи ИДМ – 2023" донишҷӯи магистратураи Академияи идоракунии давлатии назди президенти Тоҷикистон Додхудо Шарифзода дониста шуд.
Маълум аст, ки ҳоло ҷавони тоҷик дар ихтисоси "сиёсат ва ҳукумат" таҳсил мекунад.
Гуфта мешавад, ки ҳоло донишҷӯи беҳтарин дар баробари хондан бо ҷавонон кор мекунад ва дар пойтахт ба корҳои ҷамъиятӣ машғул аст.