Вазъ дар марзи Тоҷикистону Қирғизистон

Вилояти Суғд ва Ботканд омодаанд дӯст шаванд? Натиҷаи музокирот

Дар мулоқоти густурда пурзӯр намудани корҳои фаҳмондадиҳӣ байни аҳолӣ ва масъалаҳои истифодаи муштараки обёрӣ ва оби ошомиданӣ мавриди баррасӣ қарор гирифтанд
Sputnik
ДУШАНБЕ, 14 июн — Sputnik. Дар шаҳри Гулистон мулоқоти навбатии гуруҳи кории Тоҷикистону Қирғизистон баргузор гардид, иттилоъ додааст дафтари матбуоти раиси вилояти Суғд.
Ба иттилои манбаъ, ҳайати вилояти Суғдро Раиси вилояти Суғд Раҷаббой Аҳмадзода ва вилояти Бодканди Қирғизистонро намояндаи ваколатдори Президенти Қирғизистон Абдукарим Алимбаев роҳбарӣ намуданд.
В Гулистоне состоялась очередная встреча рабочих групп Таджикистана и Кыргызстана
Ҳамчунин дар мулоқот фармондеҳони қӯшунҳои сарҳадии ду кишвар генерал-полковник Раҷабалӣ Раҳмоналӣ ва генерал-майор Уларбек Шаршиев, роҳбаронии мақомоти ҳифзи ҳуқуқ ​ ва мақомоти амнияти ду вилоят, раисони шаҳру навоҳии наздисарҳадӣ иштирок доштанд.
Иттилоъ дода шудааст, ки дар мулоқоти дуҷонибаи​ Раиси вилояти Суғд ва​ намояндаи ваколатдори Президенти Қирғизистон дар вилояти Ботканд тарафҳо аз фаъолияти гуруҳи корӣ изҳори қаноатмандӣ карданд.
“Ҷонибҳо мушкилоти мавҷударо бо роҳҳои дипломатӣ ҳал намуда, барои таъмини​ амнияти сокинони минтақаҳои наздисарҳадӣ ва таҳкими муносибатҳои ҳамсоядорӣ тадбирҳои заруриро амалӣ намуда истодаанд”, таъкид намудааст манбаъ.
Ҳамзамон дар ин музокирот масъалаи пурзӯр намудани корҳои фаҳмондадиҳӣ байни аҳолии наздисарҳадӣ ва пешгирӣ аз истифодаи ҳамагуна силоҳ​ дар суҳбати​ генерал-полковник Раҷабалӣ Раҳмоналӣ ва генерал-майор Уларбек Шаршиев баррасӣ шуда.
“Тарафҳо барои идомаи музокирот ва бо роҳи гуфтушунид ҳал намудани масъалаҳои пешоянда мубодилаи афкор намуданд”, - қайд кардааст дафтари матбуоти раиси вилояти Суғд.
Инчунин дар мулоқоти васеи ҷонибҳо вобаста ба тақвиятбахшии корҳои фаҳмондадиҳӣ миёни аҳолӣ, истифодаи якҷоя аз оби полезиву нӯшокӣ, риояи талаботи протоколҳои қаблан имзошуда мавриди таҳлил қарор дода шуд.
Вазъ дар марзи Тоҷикистону Қирғизистон
Баррасии нуқтаи марзии пайвандгари Тоҷикистон, Қирғизистон ва Ӯзбекистон
Ба иттилои манбаъ ҳарду ҷониб омодагии худро барои азсар гирифтани муносибатҳои дӯстона ва равобити неки ҳамсоядорӣ изҳор доштанд.
Дар охир аз рӯи натиҷаи мулоқоти имрӯза протокол омода гардида, аз ҷониби​ фармондеҳони қӯшунҳои сарҳадии ду кишвар генерал-полковник Раҷабалӣ Раҳмоналӣ ва генерал-майор Уларбек Шаршиев имзо гузошта шуд.