ДУШАНБЕ, 14 июн — Sputnik. Вазорати дифои Русия ахиран дар бораи талафоти артиши Укриана дар ду хати ҷабҳа маълумот ироа кард.
Вазорати дифои Русия дар гузориши худ хабар дод, ки дар шабонурӯзи гузашта артиши Украина беш аз 800 сарбоз ва 20 тонкро танҳо дар самтҳои Ҷануби Донетск ва минтақаи Запорожие аз даст додааст.
“Дар маҷмӯъ, дар як шабонарӯзи гузашта талафоти душман дар самтҳои Ҷануби Донетск ва минтақаи Запорожие беш аз 800 низомии украинӣ, 20 танк, 4 худрави ҷангии пиёданизом, 15 мошини зиреҳпӯши чархдор, ду системаи тӯпхонаии М777, Мста-Б ва тӯпҳои Д-30, инчунин як мошини мушакандози чандгонаи “Град”-ро ташкил дод”, - гуфта мешавад дар изҳороти агентӣ.
Илова бар ин, як анбори муҳимоти ҷангии бригадаи савораи 65-уми артиши Украина дар маҳаллаи шаҳраки Новоандреевкаи вилояти Запорожие хароб карда шуд.
Маврид ба зикр аст, ки Русия 24 феврали соли 2022 амалиёти вижаи низомиро дар Украина оғоз кард.
Президенти Русия Владимир Путин ҳадафи онро "ҳимояи одамоне номид, ки дар тӯли 8 сол таҳти таҳқиру наслкушӣ аз ҷониби режими Киев қарор гирифтаанд.
Илова бар ин, ҳадафҳои амалиёти вижаи низомӣ инчунин аз демилитаризатсия ва нозизудоии Украина иборатанд.
Кишварҳои ғарбӣ қасд доранд, ки барои ноором кардани вазъ дар минтақа ба Киев силоҳу муҳимот интиқол диҳанд.