ДУШАНБЕ, 10 июн — Sputnik. Иттиҳом алайҳи президенти пешини ИМА Доналд Трамп дар парвандаи асноди махфӣ пешбинӣ мекунад, ки ӯ метавонад дар маҷмӯъ 400 сол зиндонӣ шавад.
Дар ин бора дар матни айбнома, ки додгоҳи Майами рӯзи 9 июн нашр кардааст, гуфта мешавад.
Додситонии ИМА иддао дорад, ки раисиҷумҳури собиқ маълумоти марбут ба тавонмандиҳои низомӣ, нақшаҳо ва осебпазирии кишварро дар як манзили шахсии номуносиб, ки дар он даҳҳо ҳазор меҳмон дидан мекарданд, нигоҳ доштааст ва дар ду маврид сирри давлатиро ба бегонагон фош кардааст.
Бархе аз иттиҳомоти марбут ба қонуни ба истилоҳ ҷосусӣ ва пинҳон кардани қасдан асноди махфӣ ва ҳамчунин иттилооте, ки барои амнияти миллӣ муҳим аст, иртибот доранд.
Бахши дигар ба ширкати Трамп ҳамроҳ бо ёвари Уолт Наута дар тавтеъа барои пӯшонидани ҷиноят марбут аст.
Дар ҳамин ҳол, президенти собиқи ИМА, ки рӯзи сешанбеи оянда ба додгоҳи Майами даъват шуда буд, дар Truth Social худ навишт, ки "мебинем".
Трамп қаблан ба иттиҳоми ҷиноӣ рӯбарӯ шуда буд. Ӯ гуноҳи худро эътироф намекунад.