ДУШАНБЕ, 4 июн — Sputnik. Дар ҳамаи шаклҳои хоҷагидории ҷумҳурӣ 2 578 270 сар чорвои калон мавҷуд аст. Дар ин бора дар "Фестивали намоиш ва фурӯши чорвои зотӣ" гуфта шуд, хабар медиҳад Вазорати кишоварзӣ.
Фестивали мазкур бо ташаббуси вазорати мазкур дар шаҳри Ваҳдат баргузор гардид. Дар фестивал чорвоҳои хурду калон аз филиалу корхонаҳои чорвопарварӣ ба намоиш гузошта шуданд.
Манбаъ меафзояд, дар ин чорабинӣ Ҳакимзода Қурбон, вазири кишоварзӣ, Исмоилзода Мирзо раиси шаҳри Ваҳдат, Асозода Нуралӣ президенти Академияи илмҳои кишоварзӣ ва дигар мақомдорон ҳузур доштанд.
Вазири кишоварзӣ ва раиси шаҳри Ваҳдат зикр намуданд, ки соҳаи чорводорӣ дар таъмини амнияти озуқавории аҳолии мамлакат мавқеи намоён дорад.
Иттилоъ дода шуд, ки дар ҷумҳурӣ ҳамзамон ба ҳолати ё май 1335 000 модагов, 6 569 000 гӯсфанду буз ва 85 ҳазор сар асп мавҷуд аст.
"Дар ин давра 64822 тон гӯшт ва 258101 тон шир истеҳсол карда шудааст", - омадааст дар хабарнома.
Вазорати кишоварзӣ таъкид намуд, ки дар анҷоми фестивал ба як қатор шахсоне, ки дар рушди соҳа саҳм доранд сипоснома ва туҳфа супорида шуд.