ДУШАНБЕ, 16 май — Sputnik. Нархи пули миллии Тоҷикистон дар баробари асъори русӣ якбора боло рафта, арзиши доллари амрикоӣ низ дар ҷумҳурӣ афзоиш ёфтааст.
Ба иттилои Бонки милли ҷумҳурӣ, нархи 1 ҳазор рубли русӣ дар ҷумҳурӣ ба 137 сомонӣ баробар шуд, ки дар муқоиса бо нишондоди рӯзи қаблӣ 3 сомонӣ камтар аст.
Пули Русия дар ҳоле майл ба поинравӣ ниҳодаст, ки тайи рӯзҳои охир арзиши ҳазор рубл дар Тоҷикистон аз ҳадди 140 сомонӣ болотар буд.
Бонки миллии Тоҷикистон инчунин арзиши 1 доллари амрикоиро 10.9141 сомонӣ муқаррар кардаст, ки дар муқоиса бо нишондоди рӯзи қаблӣ каме болотар мебошад.
Нархи евро бошад дар баробари пули миллии Тоҷикистон каме поин рафта, муодили 11.88 сомонӣ шудааст.
Дар мавриди қурби миёнаи фурӯши асъори хориҷии нақд дар муассиcаҳои ташкилоти қарзии Тоҷикистон, иттилоъ дода шуд, ки 1 ҳазор рубли русӣ аз 137 то 140 сомонӣ харидуфурӯш мешавад.
Доллари амрикоии нақд дар муассисаҳои молиявии Тоҷикистон аз 10.9141 то 10.9400 сомонӣ нарх дорад. Арзиши 1 еврои нақд ба ҳисоби миёна аз 11.8800 то 12.1500 сомониро ташкил додаст.
БМТ таъкид намудаст, ки берун аз сарбонк, филиал, марказҳои хизматрасонии бонкӣ, нуқтаи интиқоли пул ва банкомату терминалҳо анҷом додани амалиёти мубодилавӣ қатъиян манъ аст.
Ин ниҳод ҳушдор додаст, ки риоя накардани талаботи мазкур аз ҷониби шахсони воқеӣ қонуншиканӣ ба ҳисоб рафта, сабаби ба ҷавобгарии маъмурӣ ва ҷиноятӣ кашидан мегардад.