ДУШАНБЕ, 12 май — Sputnik. Амалиёти вижаи низомӣ дар Украина бар асоси банди Оинномаи Созмони Милали Муттаҳид сурат мегирад, гуфт вазири умури хориҷии Русия Сергей Лавров.
Вазир зимни Анҷумани байналмилалии ҳуқуқии Санкт-Петербург таъкид намуд, ки Маскав аз оғози амалиёти низомӣ огоҳ карда буд.
"Амалиёти махсуси низомӣ бар асоси моддаи 51-и Оинномаи СММ, ки ҳуқуқи дифоъи инфиродӣ ва дастаҷамъиро пешбинӣ мекунад, сурат мегирад ва дар бораи он саривақт ба Шӯрои Амнияти Созмони Милали Муттаҳид хабар дода шуда буд", - гуфт Лавров.
Ӯ бо таассуф афзуд, Ғарб кӯшиш мекунад, ки Федератсияи Русияро дар нақзи қонунҳои байналмилалӣ муттаҳам кунад, ҳарчанд худаш онро дар Югославия, Ироқ ва Либия поймол кардааст.
"Имрӯз давлатҳои ғарбӣ мушкилотро аз сари дарднок ба сари солим бор мекунанд. Худашон бо нақзи қонунҳои байналмиллалӣ дар Югославия, Ироқ ва Либия ҷангҳои таҷовузкоронаро оғоз карданд", - гуфт Лавров.
Русия 24 феврали соли 2022 амалиёти вижаи низомиро дар Украина оғоз кард. Раисиҷумҳури Русия Владимир Путин ҳадафи онро "ҳимояи мардуме номид, ки ҳашт сол боз таҳти таҳти таъқиб ва наслкушӣ аз ҷониби режими Киев қарор гирифтаанд".
Вай қайд кард, ки амалиёти вижа як тадбири маҷбурӣ буд, чун Русия "имкони дигаре надошт, ба хатарҳои амниятие, ки ба вуҷуд оварда шудаанд, посух диҳад.