ДУШАНБЕ, 4 май — Sputnik. Тавсеаи иттиҳоди Атлантикаи Шимолӣ ба минтақаи Осиё ва Уқёнуси Ором оромии геополитикӣ ва рушди муттасилро халалдор мекунад.
Дар ин бора намояндаи расмии Вазорати корҳои хориҷии Чин Мао Нин хабар дод.
"Пешрафт ва мудохилаи доимии НАТО ба самти шарқ бешубҳа сулҳу суботро халалдор мекунад", - афзудааст ӯ .
Ба гуфтаи вай, бархӯрди паймон, ки дар натиҷаи чунин амалҳо ба вуҷуд меояд, бояд ҳушёрии бештари кишварҳои минтақаро ба вуҷуд оварад.
"Осиё макони рушди муштарак аст. Он набояд ба майдони муборизаи геополитикӣ табдил наёбад", - хулоса кард дипломат.
Аз ин пеш паймони ҳарбию сиёсӣ нияти кушодани идораи алоқаро соли 2024 дар Токио баён карда буд.
Илова бар ин, эътилоф изҳори хоҳиш кардааст, ки таҳкими ҳамкорӣ бо Ҷопон дар бахшҳои амният, киберфазо, фазои кайҳон ва мубориза бо маълумоти бардурӯғро расмӣ гардонад.
Зимнан зикр гардид, ки Дафтари робита бо НАТО дар пойтахт нахустин чунин дафтар дар Осиё хоҳад буд.
То кунун чунин муассисаҳои берун аз иттиҳод танҳо дар Украина ва Гурҷистон кушода шудаанд.
Ба ҷуз Ҷопон, ин иттиҳод Кореяи Ҷанубӣ ва Австралияро шарикон дар минтақаи Ҳинду Уқёнуси Ором медонад.