ДУШАНБЕ, 4 май — Sputnik. Менеҷер Алӣ Абдул -Азиз, ки бо оҷонсии Dominance MMA алоқаманд аст, размикори тоҷик Бахтовар Юнусовро пешбарӣ хоҳад кард.
Дар ин бора ба Sputnik Тоҷикистон манобеъи наздик ба варзишгарони амрикоӣ хабар доданд.
Абдул-Азиз бо кораш бо ҷангиён ба мисли Ҳабиб Нурмуҳаммадов, Ислом Махачев ва Қамар Усмон маъруф аст.
Ӯ муассиси агентии идоракунии Dominance MMA мебошад, ки Юнусов бо он шартнома бастааст.
Ҳадафи менеҷери машҳур ин аст, ки размикори тоҷикро ба Ultimate Fighting Championship ворид кунад.
Худи размикори тоҷик мегӯяд, ки ин масъала то ҳол пурра ҳал нашудааст.
Ёдовар мешавем, Юнусов, ки бо номи Доминатор маъруф аст, дар вазни сабук баромад мекунад ва ҳоло ягон маротиба шикаст нахӯрдааст. Ӯ 10 набардро бидуни нокомӣ анҷом дода, 5 ҳарифашро бо нокаути техникӣ мағлуб намудааст.
Фаъолияти варзишии Бахтовар соли 2020 оғоз ёфт, ӯ аксари задухӯрдҳояшро дар доираи таблиғи силсилаи MMA гузаронидааст.