ДУШАНБЕ, 3 май — Sputnik. Ҳамлаи мутақобили артиши Украина аллакай оғоз шудааст, гуфт дар як сабти садоӣ, ки дар Telegram-канали худаш раҳбари гурӯҳи “Вагнер” Евгений Пригожин нашр кардааст.
“Мо фаъолияти зиёди нерӯҳои ҳавоии душманро мушоҳида дорем. Мо фаъолияти баландтарини онро дар хати ҷабҳа мебинем, — гуфт ӯ.
Вай қайд кард, ки Киев "берун аз марзҳои таърихии Украина" фаъол шудааст.
"Мо вазъро дар манотиқи мухталифи назорат дорем. Аз ин рӯ, ман боварӣ дорам, ки ҳама чиз аллакай оғоз шудааст. Ин кай ба марҳилаи боз ҳам фаъолтар мегузарад? Фикр мекунам, ки дар ояндаи наздик, шояд дар рӯзҳои наздик", - афзуд Пригожин.
Дар бораи ҳамлаи қарибулвуқӯъи артиши Украина ҳам дар Киев ва ҳам дар Ғарб борҳо эълон шуда буд. Яке аз самтҳои зарбаи артиши Украина ин минтақаи Запорожье номида мешавад, ки бо мақсади расидан ба соҳили баҳри Азов ба хотири аз байн бурдани долони заминӣ ба Қрим дониста мешавад.
Котиби матбуотии президенти Русия Дмитрий Песков таъкид кард, ки Маскав ҳама гуна изҳоротро дар бораи ҳамлаи дарпешистода бодиққат назорат мекунад ва ҳангоми тарҳрезии амалиёти махсус онҳоро ба назар мегирад.
Ёдовар мешавем, ки Русия 24 феврали соли 2022 амалиёти вижаи низомиро дар Украина оғоз кард. Президент Владимир Путин ҳадафи онро "ҳимояи одамоне номид, ки дар тӯли 8 сол таҳти таҳқиру генотсид аз ҷониби режими Киев қарор гирифтаанд."
Дар вокуниш ба ҳамлаи террористӣ ба пули Қрим ва дигар ҳамлаҳо ба инфрасохтори ғайринизомӣ дар Русия, Нерӯҳои мусаллаҳи ин кишвар пайваста ба саноати дифоъ, фармондеҳии низомӣ, иртиботот ва энержии Украина зарба мезананд.