ДУШАНБЕ, 26 апр — Sputnik. Ширкати алюминиуми Русия "Русал" масъалаи бунёди корхонаи тавлиди чархҳои алюминӣ барои мошинҳо дар Узбакистонро баррасӣ дорад.
Дар ин бора мудири департаменти металлуржӣ ва маводҳои Вазорати саноат ва савдои Русия Владислав Василев дар намоишгоҳи "Иннопром. Осиёи Марказӣ" дар Тошканд изҳор дошт.
"Ҳоло масъалаи бунёди корхонаи муштараки истеҳсоли чархҳои алюминӣбарои саноати мошинсозӣ баррасӣ мешавад", — гуфт Василев.
Василев қайд кард, ки ҳоло дар Ӯзбекистон ширкатҳои бузурги мошинсозӣ фаъолият доранд ва ин маънои онро дорад, ки маҳсулоте, ки корхона тавлид хоҳад кард, дар дохили кишвар талаботаш ба он хеле зиёд хоҳад шуд.
Илова бар ин, истеҳсолот иқтидори бузурги содиротӣ хоҳад дошт.
Дар ҷараёни ҷаласа Олег Вайтман, мудири равобити бо сохторҳои давлатии “Русал” низ изҳор дошт, ки дар марҳилаи аввал ширкат ба нақша гирифтааст, ки то 1,5 миллион чарх истеҳсол кунад.
"Мо дар марҳилаи хеле пешрафта ҳастем, мо гурӯҳҳои кории дахлдор таъсис додем, ки онҳо аллакай зина ба зина ба сохтмони корхонаи истеҳсоли чархҳои алюминӣ ҳаракат мекунанд", - афзуд Вайтман.