ДУШАНБЕ, 25 апр — Sputnik. Дар чаҳорчӯби Созмони ҳамкориҳои Шанхай харитаи роҳ барои гузаштан ба ҳисоббаробаркуниҳо бо пули миллӣ таҳия мешавад.
Дар ин бора муовини дабири кулли СҲШ Григорий Логвинов дар пахши телевизиони "Беларус 1" хабар дод.
"Кор ба таври ҷиддӣ ва мазмунан пеш рафта истодааст", — гуфт у.
Ба таъкиди ӯ, ин раванд сода нест. Сабаб он аст, ки доллар ҳамчун асъори захиравии ҷаҳонӣ, аз ҷумла дар системаҳои асъори миллӣ хеле амиқ ҷойгир шудааст.
Барои комилан даст кашидан аз доллар, ба гуфтаи Логвинов, ҳанӯз корҳои зиёдеро бояд анҷом дод ва роҳи тӯлониро тай кардан лозим аст.
"Дар мавриди ба муомилот баровардани як навъ пули ягонаи СҲШ, ин масала ҳанӯз сурат нагирифтааст ва чунин ҳадаф ҳам ба миён наомадааст. Хуб, мо ҷустуҷӯро идома медиҳем",- афзуд муовини дабири кулли СҲШ дар хотима