Дар майдони назди масҷиди ёдбуд худ мемориалӣ дар Боғи Ғалабаи Маскав чорабинии густурда бахшидаи ба иди Рамазон ҷараён дорад.
Дар ин бора Раёсати мусулмонони Русия хабар дода, афзуд,ки барои барои нахустин бор дар Маскав ба муносибати Иди Фитр чунин ҷашнвора баргузор мешавад.
Хабарнигигори Sputnik Тоҷикистон аз макони ҷашн боздид намуда, лаҳзаҳои таҷлил аз иди Фитрро сабт намуд.
Созмондиҳандагон мегӯянд, ки ҷашнвора на танҳо барои диндорон, балки барои ҳар нафаре, ки мехоҳанд дар фазои ид ғутавар шаванд, пешбинӣ шудааст.
Дар дохили хайма хонаводаҳои иборат аз хурду бузург ҷамъ омаданд. Бархе тамошо карданд, бархе дигар дар барномаҳои фарҳангӣ иштирок намуданд.
Инчунин меҳмонони наврас дар хайма зӯрашонро дар бозии шоҳмот санҷиданд. Ба ҷамъомадагон анвои гуногуни ғизои халқҳои ҷаҳон пешниҳод гардид. Аз ҷумла оши палав пухта шуда буд.
Инчунин намоишгоҳи осори санъат ва заргарӣ баргузор гардид, ки хоҳишнмандон имкон доштанд, колои писандидаашонро харидорӣ намоянд.
Иди Фитр яке аз ду иди бузурги мусалмонҳо мебошад, ки дар поён моҳи шарифи Рамазон ба таври густурда таҷлил мегардад.