ДУШАНБЕ, 21 апр — Sputnik. Дар арафаи иди Рамазон, раиси ҷумҳури Ӯзбекистон Шавкат Мирзиёев беш аз 500 маҳкумшударо афв кард. Дар ин бора дафтари матбуоти раисҷумҳури ин кишвар хабар медиҳад.
Ба иттилои манбаъ, Мирзиёев қарореро “Дар бораи авф кардани як гурӯҳ ашхосе, ки аз кирдори содиркардаи худ самимона пушаймон шуда, ба роҳи ислоҳ собитқадамона рафтаанд” ба имзо расонд, ки тибқи он 541 нафарро афв шуданд.
Дар паёми дафтари матбуоти раисҷумҳур зикр мегардад, ки ин иқдом ҳамчун зуҳуроти равшани хислатҳои наҷиби меҳрубонӣ, саховатмандӣ, инсондӯстӣ ва шафқат мебошад.
Аз афвшудаҳо:
• 374 нафар аз адои чазои асосӣ пурра озод карда шуданд;
• 110 нафар шартан аз ҷазо озод карда шуданд;
• 39 нафар - муҳлати ҷазо дар намуди маҳрум сохтан аз озодӣ сабуктар шуд;
• 18 нафар — ҷазояшон бо ҷазои инсондустонатар иваз карда шуд.
Гуфта мешавад, миёни афвшудагон 36 нафар шаҳрвандони кишварҳои хориҷӣ, 136 нафар занон, 75 нафар мардони аз 60-сола боло, 6 нафар ба фаъолияти созмонҳои мамнӯъ ҷалб шуда, мебошанд.
Таъкид шудааст, ки ҳамаи онҳо ба назди оила ва хешовандонашон баргардонида шуда, барои мутобиқшавӣ ба иҷтимоӣ, ҷалби онҳо ба меҳнати муфид, интихоби тарзи ҳаёти солим ва ишғол намудани мавқеи сазовор дар ҷомеа мусоидат хоҳанд кард.
Маврид ба зикр аст, ки чунин иқдомот пас аз соли 2016 баъди ба қудрат расидани Мирзиёев дар Ӯзбекистон бештар шуда, тайи солҳои ахир ӯ чандид санади мушобеҳро имзо кардааст.