Сафири Эрон дар Тоҷикистон Муҳаммадтақӣ Собирӣ бо шеър дар як видеои кӯтоҳ сокинони Душанберо бо Рӯзи пойтахт табрик кард.
Ёдовар мешавем, дар Рӯзи пойтахт дар тамоми боғҳои фарҳангию фароғатии шаҳри Душанбе барои сокинон баҳри таҷлили Рӯзи пойтахт, ки ҳамасола шанбеи сеюми моҳи апрел таҷлил мегардад, чорабиниҳои фарҳангӣ баргузор мешавад.
Сокинону меҳмонони пойтахт имрӯз дар боғҳои фарҳангу фароғатии Душанбе дар базмҳои идона, нишасту ҷамъомад ва дигар барномаҳои фарҳангию варзишӣ иштирок доранд.
Инчунин дар ин рӯз дар кӯчаю хиёбонҳои шаҳр шиору овезаҳои гуногун дар васфи пойтахт насб карда шудаанд, ки шукуҳу шаҳомати ин ҷашнро бозгӯӣ менамоянд.