ДУШАНБЕ, 3 апр — Sputnik. Ҳукумати ҶМЧ ба рушди ояндаи шарикии Русияву Чин "комилан бовар дорад", гуфт намояндаи расмии вазорати корҳои хориҷии мамлакат Мао Нин, зимни изҳори назар дар бораи консепсияи нави сиёсати берунии ФР.
"Чин ва Русия ҷонибдори рушди як навъи нави муносибатҳои бузурги қудратҳо дар асоси эҳтироми мутақобила, ҳамзистии осоишта ва ҳамкориҳои мутақобилан судманд мебошанд", - таъкид кард дипломат.
Ба гуфтаи вай, дар ҷараёни сафари раисиҷумҳури Чин Си Ҷинпин ба Русия раҳбарони кишварҳо нақшаи васеъмиқёси ҳамкориҳои минбаъдаи дуҷонибаро муайян карданд.
Мо ба инкишофи минбаъдаи муносибатхои Хитой ва Россия боварии комил дорем, гуфт дар хотима Мао Нин.
Ёдовар мешавем, ки Федератсияи Русия аввалин кишваре буд, ки Си Ҷинпин пас аз дубора президент интихоб шудан ба он сафар кард. Сафари ӯ аз 20 то 22 март давом кард.
Раисиҷумҳури Чин ва раисиҷумҳури Русия Владимир Путин мулоқоти ғайрирасмӣ доир намуда, баъдан музокирот дар ҳайати васеъ сурат гирифт.
Дар поёни мулоқот Си Ҷинпин ва Владимир Путин изҳорот дар бораи нақшаҳои ҳамкориҳои иқтисодӣ ва амиқсозии шарикиро имзо карданд.
Илова бар ин, раиси ҷумҳурии Чин Путинро барои боздид аз Чин даъват кард. Интизор меравад, ки ин сафар соли 2023 дар форуми сеюми сатҳи баланд дар доираи ташаббуси "Як камарбанд, як роҳ" сурат гирад.