ДУШАНБЕ, 30 мар — Sputnik. Қарор дар бораи истифодаи силоҳи ҳастаӣ аз ҷониби Русия ва Беларус якҷоя қабул карда мешавад. Дар ин бора дабири кулли ИДМ Сергей Лебедев ба Sputnik Белорус хабар дод.
"Ҳоло маълум аст, ки тугмаи дугона барои тасмимгирӣ дар мавриди истифода вуҷуд хоҳад дошт: онҳо ҳам дар Русия ва ҳам дар Беларус хоҳанд буд. Сониян, мо воқеан умедворем - ва аллакай гуфта шудааст, ки ин силоҳ набояд истифода шавад, ин як чораи пешгирикунанда аст", - гуфт ӯ.
Ба ақидаи ӯ, дар ИДМ ба нияти ҷониби Русия дар мавриди истиқрори силоҳи ҳастаии тактикӣ дар кишвари ҳамсоя муносибати оромона доранд.
Вай ҳамчунин гуфт, сару садое, ки дар Ғарб дар бораи истиқрори силоҳи ҳастаии Русия дар Беларус бардошта мешавад, асос надорад.
"Ман солҳои тӯлонӣ дар Ғарб кор кардаам ва медонам, ки силоҳи тактикии ҳастаии Амрико дар Аврупо ҷойгир аст ва дар ин бора намояндагони Русия борҳо изҳор доштаанд, аз ҷумла, президенти кишвар ва коршиносон", - қайд кард Лебедев.
Вокуниши имрӯзаи Ғарб "дар бораи стандартҳои дугона, дурягӣ ва риёкории сиёсатмадорони Гарб мегӯяд".
Ёдовар мешавем, ки Владимир Путин, раиси ҷумҳури Русия рӯзи 25-уми март гуфта буд, ки Маскав бо дархости Минск, силоҳҳои тактикии ҳастаии худро дар Беларус мустақар хоҳад кард, чуноне ки Иёлоти Муттаҳида кайҳо боз дар қаламрави муттаҳидонаш мекунад.
Маскав ба Минск маҷмааи мушакии Искандерро, ки метавонад интиқолдиҳандаи силоҳи ҳастаӣ бошад, супурд.