ДУШАНБЕ, 29 мар – Sputnik. Созмони Ҷаҳонии Беҳдошт иттилоъ дод, ки Тоҷикистон ба феҳристи 42 кишваре шомил гардид, ки бар зидди бемории вараҷа пирӯз шудааст, иттилоъ додааст сомонаи ин ниҳоди байналмилалӣ.
Ба иттилои ин Созмон, ҳамчунин ба ин феҳрист умҳурии Озарбойҷон низ ба дохил шудааст.
Таъкид шудааст, ки Созмони умумиҷаҳонии тандурустӣ ба Тоҷикистон ва Озарбойҷон барои аз байн бурдани бемории вараҷа дар қаламравҳояшон сертификат додааст.
Бояд гуфт, ки дар Тоҷикистон аз соли 2015 инҷониб ҳодисаҳои маҳаллии бемории вараҷа ба қайд гирифта нашудааст.
Дар робита ба гузаронидани сертификатсияи Тоҷикистон ҳамчун "давлати аз вараҷа озод" аз 17 то 26 октябри соли 2022 Миссияи Бюрои минтақавии Аврупоии Созмони умумиҷаҳонии тандурустӣ аз Тоҷикистон дидан намуд.
Қаблан моҳи сентябри соли 2021 Вазорати тандурустӣ ва ҳифзи иҷтимоии аҳолии Тоҷикистон ба унвони мудири кулли Созмони умумиҷаҳонии тандурустӣ ва мудири Бюрои минтақавии Аврупоии Созмони ҷаҳонии беҳдошт дар бораи гузаронидани сертификатсияи Тоҷикистон ҳамчун "давлати аз вараҷа озод" дархост пешниҳод гардида буд.
Дар асоси ин дархост як Комиссияи коршиносони мустақили байналмилалӣ ба Тоҷикистон омада буданд.