ДУШАНБЕ, 25 мар — Sputnik. Михаил Мурашко вазири тандурустии Русия ҳамтои тоҷики худ, Ҷамолиддин Абдуллозодаро қадрдонӣ кард.
Тибқи маълумоти Вазорати тандурустӣ, вазири беҳдошти Русия дар ҷараёни форуми "Ҷомеа солим", ки дар шимоли Русия баргузор гардид, Абдуллозодаро барои саҳми бузург гузоштан дар рушди ҳамкориҳои ду давлат бо сипоснома сарфароз гардонд.
Гуфта мешавад, Мурашко сипосномаи вазири тандурустии Тоҷикистонро ба муовини аввали вазир, Ғафур Муҳинзода супорид.
Ёдовар мешавем, дар шаҳри Санкт Петербург форуми “Ҷомеа солим” ду рӯз идома кард, ки дар кори он намояндагони вазоратҳои тандурустӣ ва мутахассисони ҷумҳуриҳои Иттиҳоди Давлатҳои Мустақил иштирок намуданд.
Дар ин чорабинӣ масъалаҳои пешгирии бемориҳои сироятӣ, омодасозии мутахассисони соҳаи тандурустӣ, рақамикунонии соҳа, рушди туризми тиббӣ ва дигар масъалаҳоро мавриди баррасӣ қарор доданд.
Илова бар ин, дар форуми мазкур Русия бо як қатори кишварҳои ИДМ, аз ҷумла бо Тоҷикистон дар мавриди интиқоли дору тавофуқ ҳосил кард.
Бо вуҷуди он ки тавлиди маводи доруворӣ дар Тоҷикистон сол аз сол рушт меёбад, вале воридоти доруворӣ ба кишвар ҳанӯз ҳам дар ҷои аввал қарор дорад.