Хабарнигори Sputnik Тоҷикистон аз мардум пурсид, ки ҳангоми сар задани заминларза онҳо дар кадом ҳолат буданд ва чӣ кор карданд.
Ёдовари мекунем, ки шаби 22 ба 23 март, тақрибан соати 01:07 дақиқа заминларзаи шадид Тоҷикистонро такон дод.
Давоми ду рӯзи охир ин дуввумин заминларзаи шадид бо дараҷаи беш аз 7 балла гуфта мешавад.
Бар асари заминларза ду сокини деҳаи Палдораки ноҳияи Кӯҳистони Мастчоҳ захм бардоштаанд, ки хушбахтона дараҷаи осеби онҳо сабук буда ташвишовар нест.
Бино ба иттилоъи дарёфтӣ аз ҳисоби шиддати заминларзаҳо, ки давоми як рӯзи охир беш аз 7 маротиба рух додааст, панҷ деҳаи ноҳияи Кӯҳистони Мастчоҳ зарар дидаанд.
Мақомоти КҲФ таъйид намуданд, ки дар умум беш аз 700 иморату иншооти сокинон тахриб гардида, ҳудуди 150 сар чорвои хурду калон пурра ва ё қисман зарар дидаанд.