ДУШАНБЕ, 21 март — Sputnik. Дар Тоҷикистон заминларзаи сахт рух дод, гузориш медиҳад, хабарнигори Sputnik Тоҷикистон.
Тибқи иттилои маркази зилзилашиносии Ӯзбекистон, заминҷунбӣ шаб, соати 21:47 бо вақти Душанбе рух додааст.
Манбаъ афзуда, қувваи заминларза дар марказ 6,6 балл буда, он дар умқи 220 метр ҷойгир будааст. Маркази заминҷунбӣ Афғонистон буд.
Вале, сокинони Душанбе ва шаҳри Бохтар мегӯянд, қувваашро эҳсос карданд.
"Замин хеле сахт ҷунбид. Мо ҳатто дар ошёнаи аввал ҳам онро эҳсос кардем ва берун давидем", - гуфт сокини шаҳри Бохтар ба Sputnik Тоҷикистон.
Сокинони Душанбе ба ҷойҳои бехавф мекӯчанд мегӯяд, хабарнигори Sputnik Тоҷикистон.
Заминларза дар тамоми кишварҳои Осиёи Марказӣ ва ҳамчунин дар Чину Ҳиндустон ва Покистон низ эҳсос шудааст.