ДУШАНБЕ, 10 мар — Sputnik. Пойгоҳи хабарии мунтасаб ба гурӯҳи террористии ДОИШ*, фарди интиҳоркунандаро Абдулҳақи Хуросонӣ муаррифӣ ва эълом кардааст, ки ӯ пас аз убур аз мавонеъи амниятӣ худро ба дафтари кори волии толибон расонд ва мунфаҷир кард, иттилоъ додааст Sputnik Афғонистон.
Юриши интиҳорӣ бар дафтари Муҳаммаддовуди Музмал, волии толибон дар вилояти Балхи субҳи рӯзи панҷшанбе анҷом шуд.
Ҳукумати толибҳо кушта шудани Музмал ва ду "ғайринизомӣ" дигар дар ин инфиҷорро таъйид кардаанд.
Забеҳуллоҳи Муҷоҳид, сухангӯии толибҳо дар саҳифаи твиттерии худ ин инфиҷорро ба "душманони ислом" рабт дода ва аз оғози таҳқиқот дар ин бора хабар додааст.
Ёдоварӣ мекунем, ки ин баландпоятарин мақом толибҳост, ки дар як ҳамлаи ДОИШ* кушта мешавад. Ба нақл аз “Амақ”, ДОИШ ҳамалот бар мақомоти баландпояи толибҳоро афзоиш хоҳад дод.
*- созмони террористиии мамнуъ дар қаламрави Русия