ДУШАНБЕ, 3 мар — Sputnik. Ҷудокори ҷавони тоҷик, Эмомалии Нуралӣ барои медали тилои "Tashkent Grand Slam 2023" бо паҳлавони мисзбон - Сардор Нуриллаеви 28-сола зӯр меозмояд.
Ба иттилои сомонаи "Варзиш", Эмомалии Нуралӣ дар вазни то 66 кило ҳарифонашро то финал шикаст дод.
Аз ҷумла дар даври аввал бар Ҳаким Агамамедов аз Туркманистон зафар ёфта, дар даври дуюм ҷудокори мизбон Бобур Вадҷиевро шикаст дод. Ҳариф дар даври сеюм ҷудокори фаронсавӣ Валид Хюар гардид, ки ӯ низ шикаст хӯрд.
Паҳлавони тоҷик дар даври нимниҳоӣ ҷудокори ӯзбек Мухриддин Тилововро шикаст дод.
Дар мавриди ҳарифи даври финалии Эмомалии Нуралӣ - Сардор Нуриллаеви 28-сола омадааст, ки ӯ соли 2021 дар "Tblisi Grand Slam" соҳиби нишони тило гардида буд.
Маврид ба зикр аст, ки Тоҷикистонро дар рӯзи аввали мусобиқаи Тошканд 5 ҷудокор Шукрона Қарчиева (-48 кг), Шоҳида Қаландарова (-57 кг), Муҳаммадсолеҳ Қувватов (60 кг) ва Шаҳбоз Саидаброров ва Эмомалии Нуралӣ дар вазни то 66 кг намояндагӣ карданд.
Шукрона Қарчиева дар даври аввал аз ҷудокори мизбон Фотимахон Турсунбоева мағлуб шуда, Шоҳида Қаландарова дар даври дуюм аз Момо Тамаокии ҷопонӣ шикаст хӯрд.
Дар вазни то 60 кг Муҳаммадсолеҳ Қувватов дар даври аввал ҷудокори қирғиз Казюбек Чюнбековро шикаст дода, дар даври дуюм аз Дилшодбек Баротови ӯзбек шикаст хӯрдаст.
Шаҳбоз Саидабуроров дар даври аввал Эрбол Абасбекови қирғизро шикаст дод, лек дар даври дуюм аз ҷудокори мизбон Сардор Нуриллаев мағлуб шудааст.