ДУШАНБЕ, 27 фев- Sputnik. Кишварҳои ғарбӣ то ҳол ҳеҷ санадеро пешниҳод накардаанд, ки истифодаи ҳавопаймоҳои эронӣ дар Украинаро исбот кунад.
Дар ин бора вазири умури хориҷаи Эрон Ҳусейн Амирабдуллоҳиён дар ин бора изор доштааст.
Ӯ таъкид кардааст, ки Ғарб бояд ин бозии бенатиҷа даст бикашад.
Мавсуф бори дигар иддаоҳо дар бораи истифода аз ҳавопаймоҳои бесарнишини Эрон дар ҷараёни амалиёти ҷангӣ дар Украинаро рад кард.
"Иддаоҳо дар бораи истифода аз ҳавопаймоҳои бесарнишини эронӣ дар Украина дурӯғанд. Бояд нишасти дувуми ҳайатҳои сиёсӣ ва низомии Эрон ва Украина баргузор мешуд, аммо бархе аз аҳзоби ғарбӣ танҳо иддао доранд ва ҳеҷ санадеро пешниҳод намекунанд. Ғарб бояд аз ин кор даст кашад", - навиштааст Абдуллоҳиён дар Твиттер.
Номбурда гуфтааст, ки Эрон хоҳони сулҳ аст ва мухолифи ҷанг.
Ёдовар мешавем, ки Ғарб иддао дорад, ки гӯё Эрон дар ҳоли ҳозир ба Русия барои амалиёти низомӣ дар Украина ҳавопаймоҳои бесарнишинро таъмин мекунад.
Маскав ва Теҳрон борҳо ин гуна иттиҳомро рад кардаанд.
Вазири хориҷаи Эрон Ҳусейн АмираАбдуллоҳиён қаблан изҳор дошта буд, ки Теҳрон Русияро бо ҳавопаймоҳои бесарнишин таъмин кардааст, аммо чанд моҳ пеш аз оғози амалиёти вижа дар Украина.